नाशिक (इंडिया दर्पण वृत्तसेवा) – जत्रा नांदूर लिंकरोड भागात पती समवेत शतपावलीसाठी घराबाहेर पडलेल्या महिलेच्या गळयातील गंठण दुचाकीस्वार भामट्यांनी ओरबाडून नेल्यचाी घटना घडली. कौशल्या बळवंत पवार (रा.सेंट पिटर स्कूल जवळ,आडगाव शिवार) यांनी याप्रकरणी तक्रार दाखल केली आहे. पवार सोमवारी पतीसमवेत शतपावलीसाठी घराबाहेर पडल्या असता ही घटना घडली. जत्रा नांदूर लिंकरोडने पवार दांम्पत्य रस्त्याने पायी जात असतांना वसुंधरा नर्सरी भागात दुचाकीवर आलेल्या दोन भामट्यांपैकी एकाने त्यांच्या गळयातील सुमारे ५० हजार रूपये किमतीचे गंठण हिसकावून पोबारा केला. याप्रकरणी आडगाव पोलिस ठाण्यात जबरीचोरीचा गुन्हा दाखल करण्यात आला आहे.अधिक तपास उपनिरीक्षक जाधव करीत आहेत.
महिलेच्या गळयातील सुमारे ५० हजाराचे गंठण हिसकावून दुचाकीस्वार फरार
प्रातिनिधिक फोटो
