नाशिक (इंडिया दर्पण वृत्तसेवा) – अनंत कान्हेरे मैदान भागात पार्क केलेल्या कारची काच फोडून चोरट्यांनी अ‍ॅपलचा मोबाईल लंपास केला. याप्रकरणी सरकारवाडा पोलिस ठाण्यात गुन्हा दाखल करण्यात आला आहे. महेंद्र सुभाषचंद्र छोरिया (रा.शारदानगर, सावरकरनगर) यांनी याप्रकरणी तक्रार दाखल केली आहे. छोरिया रविवारी (दि.२०) पहाटे धावण्याच्या मॅरेथॉनसाठी अनंत कान्हेरे मैदान भागात आले होते. मैदान परिसरात कार पार्क करून ते मॅरेथॉन मध्ये सहभागी झाले असता ही घटना घडली. अज्ञात चोरट्यांनी त्यांच्या एमएच १५ जीएक्स ६५०० कारची काच फोडून सुमारे ४० हजार रूपये किमतीचा अ‍ॅपल आयफोन चोरून नेला. अधिक तपास पोलिस नाईक जाधव करीत आहेत.
