नाशिक (इंडिया दर्पण वृत्तसेवा) – शहरात वेगवेगळय़ा भागात पार्क केलेल्या तीन दुचाकी चोरीला गेल्या. याप्रकरणी अंबड,सातपूर आणि इंदिरानगर पोलिस ठाण्यात चोरीचे गुन्हे दाखल करण्यात आले आहेत. गेल्या काही दिवसांपासून सतत नाशिक शहरात वाहनांची चोरी होत आहे.
पहिली घटना इंदिरानगर जॉगिंग ट्रॅक भागात घडली. रूबेन रूपेश निकाळजे (रा.शांतीपार्क उपनगर) यांनी याप्रकरणी तक्रार दाखल केली आहे. निकाळजे शुक्रवारी (दि.१८) इंदिरानगर जॉगिग ट्रॅक भागात गेले होते. कारडा बिल्डींग जवळील हरिश्रुष्टी अपार्टमेट समोर त्यांनी आपली एमएच १५ ईडब्ल्यू ४९१३ दुचाकी पार्क केली असता ती चोरट्यांनी पळवून नेली. याप्रकरणी इंदिरानगर पोलिस ठाण्यात गुह्याची नोंद करण्यात आली असून अधिक तपास उपनिरीक्षक हादगे करीत आहेत.
दुसरी घटना औदयोगिक वसाहतीत घडली. सिडकोतील केवल पार्क भागात येथे राहणारे संतोष लल्लन गुप्ता (रा.अष्टविनायकनगर) यांची एमएच १५ जीई १०८९ गेल्या मंगळवारी रात्री औद्योगीक वसाहतीतील एक्स्लो पॉईंट भागात असलेल्या त्यांच्या शॉप समोर पार्क केलेली असतांना चोरट्यानी ती पळवून नेली. याप्रकरणी अंबड पोलिस ठाण्यात गुन्हा दाखल करण्यात आला असून अधिक तपास हवालदार चव्हाण करीत आहेत.
तिसरी घटना कामगारनगर भागात घडली. गोरख हरिकिसन अभंग (रा.अंबाई सोसा.जाधव संकुल,अशोकनगर) यांनी याप्रकरणी तक्रार दाखल केली आहे. अभंग गेल्या गुरूवारी (दि.१७) कामगारनगर भागात गेले होते. आनंद आय पावर समोर त्यांनी आपली एमएच १५ सीएक्स ८७१८ ही दुचाकी पार्क केली असता ती चोरट्यांनी चोरून नेली. याप्रकरणी सातपूर पोलिस ठाण्यात गुन्हा दाखल करण्यात आला असून अधिक तपास हवालदार पाटील करीत आहेत.
