नाशिक (इंडिया दर्पण वृत्तसेवा) – दोन मुली बेपत्ता झाल्याच्या घटना शहरातील वेगवेगळय़ा भागात घडल्या आहे. पहिली घटना मालधक्कारोड भागात घडली. गुलाबवाडीत राहणारी अल्पवयीन मुलगी गेल्या मंगळवार (दि.१५) पासून बेपत्ता आहे. तिला कुणी तरी फुस लावून पळवून नेल्याचा संशय असून याप्रकरणी नाशिकरोड पोलिस ठाण्यात अपहरणाचा गुन्हा दाखल करण्यात आला आहे. अधिक तपास उपनिरीक्षक वाघ करीत आहेत. दुसरी घटना गंगापूर रोडवरील श्रीरंगनगर भागात घडली. येथे राहणारी अल्पवयीन मुलगी शनिवारी (दि.१९) सायंकाळच्या सुमारास परिसरातील किराणा दुकानात गेली ती अद्याप घरी परतली नाही. तिला कुणी तरी फुस लावून पळवून नेल्याचा संशय व्यक्त असून याप्रकरणी सरकारवाडा पोलिस ठाण्यात अपहरणाचा गुन्हा दाखल करण्यात आला आहे. अधिक तपास उपनिरीक्षक भोये करीत आहेत.
दोन मुली शहरातील वेगवेगळ्या भागातून बेपत्ता; अपहरणाचा संशय
