नाशिक (इंडिया दर्पण वृत्तसेवा) – वासननगर येथे झालेल्या घरफोडीत चोरट्यांनी सुमारे ९८ हजाराच्या ऐवज लंपास केले. त्यात सोन्याचांदीच्या दागिण्यांसह २० हजाराच्या रोकडचा समावेश आहे. याप्रकरणी इंदिरानगर पोलिस ठाण्यात गुन्हा दाखल करण्यात आला आहे. सोनू सुर्यकांत शिरोडकर (रा.कृष्णा हाईटस,पोलिस वसाहतीजवळ वासननगर) यांनी याप्रकरणी तक्रार दाखल केली आहे. शिरोडकर कुटुंबिय ३ ते ६ ऑक्टोबर दरम्यान बाहेरगावी गेले असता ही घटना घडली. अज्ञात चोरट्यांनी त्यांच्या बंद घराचा कडीकोयंडा तोडून बेडरूममधील कपाटात ठेवलेली २० हजाराची रोकड आणि सोन्याचांदीचे दागिणे असा सुमारे ९८ हजाराचा ऐवज चोरून नेला. अधिक तपास उपनिरीक्षक उघडे करीत आहेत.
