नाशिक (इंडिया दर्पण वृत्तसेवा)– चोरट्यांनी भरदिवसा बंद घर फोडून सुमारे साडे पाच लाख रूपयांचा ऐवज चोरून नेल्याची घटना जेलरोड भागात घडली. या घरफोडीची तक्रार वैशाली संदिप जोंधळे (रा.गजानन स्नेह अपा.महादू बाबा मंदिराजवळ,सिध्देश्वर नगर) यांनी दिली असूनउपनगर पोलिस ठाण्यात गुन्हा दाखल करण्यात आला आहे. या घरफोडीत चोरट्यांनी रोकडसह सोन्याचांदीच्या दागिणे लंपास केले. जोंधळे या गुरूवारी (दि.२०) दुपारी परिसरात राहणा-या आपल्या बहिणीच्या घरी गेल्या असता ही घटना घडली. अज्ञात चोरट्यांनी त्यांच्या बंद घराचे कुलूप तोडून बेडरूममधील कपाटात ठेवलेली ५० हजाराची रोकड आणि सोन्याचांदीचे दागिणे असा सुमारे ५ लाख ५२ हजार रूपये किमतीचा ऐवज चोरून नेला. अधिक तपास उपनिरीक्षक मंगेश गोळे करीत आहेत.
