नाशिक (इंडिया दर्पण वृत्तसेवा) – रासबिहारी चौकात रेणूका हॉस्पिटल समोर दुचाकीस्वाराने महिलेच्या गळयातील सुमारे २५ हजार रूपये किमतीचे सोन्याचे गंठण हिसकावून नेले. प्रितम पंकज पाटील (रा.शिवाई कॉलनी,धोंडगेनगर दत्तमंदिर ना.रोड) यांनी याप्रकरणी तक्रार दाखल केली आहे. पाटील या मावसबहिणी समवेत पायी जात असतांना भामट्यांनी गंठण ओरबाडून नेले. याप्रकरणी आडगाव पोलिस ठाण्यात जबरीचोरीचा गुन्हा दाखल करण्यात आला आहे. पाटील या गुरूवारी दुपारी आडगाव शिवारात गेल्या होत्या. मावस बहिणी समवेत त्या रासबिहारी चौकातून पार्क साईडच्या दिशेने पायी जात असतांना ही घटना घडली. रेणूका हॉस्पिटल समोरून दोघी बहिणी जात असतांना पाठीमागून आलेल्या दुचाकीस्वाराने त्यांच्या गळयातील सुमारे २५ हजार रूपये किमतीचे सोन्याचे गंठण हिसकावून नेले. अधिक तपास सहाय्यक निरीक्षक तोडकर करीत आहेत.
