टागोरनगर भागात भरदिवसा घरफोडी; सोन्याचांदीचे दागिणेसह हि-याची अंगठी चोरट्यांनी केली लंपास
नाशिक (इंडिया दर्पण वृत्तसेवा) – नाशिक पुणे मार्गावरील टागोरनगर भागात भरदिवसा घरफोडी करत चोरट्यांनी चोरट्यांनी बेडरूममधील कपाटात ठेवलेली सात हजाराची रोकड आणि सोन्याचांदीचे दागिणे असा सुमारे ९९ हजाराचा ऐवज चोरून नेला. त्यात एका हि-याच्या अंगठीचा समावेश आहे. याप्रकरणी उपनगर पोलिस ठाण्यात घरफोडीचा गुन्हा दाखल करण्यात आला आहे. दिवाकर विठ्ठल चव्हाण (रा.स्प्रिंग अपा.डीजीनगर,टागोरनगर) यांनी याप्रकरणी तक्रार दाखल केली आहे. चव्हाण कुटुंबिय सोमवारी (दि.१७) सकाळी दिवाळी खरेदीसाठी घराबाहेर पडले असता ही घटना घडली. अज्ञात चोरट्यांनी भरदिवसा बंद घराचा कडीकोयंडा तोडून ही चोरी केली. घरात शिरलेल्या अधिक तपास उपनिरीक्षक अतुल पाटील करीत आहेत.
औद्योगीक वसाहतीमधील ध्रुवनगर भागात घरफोडी; ९१ हजार ५०० रूपयाचा ऐवज चोरीला
नाशिक (इंडिया दर्पण वृत्तसेवा) – औद्योगीक वसाहतीतील ध्रुवनगर भागात घरात शिरून चोरट्यांनी रोकडसह दागिणे असा सुमारे ९१ हजार ५०० रूपयाचा ऐवज चोरून नेला. संगिता संजय थोरात (रा.कैलास अपा.शिवशक्ती कॉलनी,मोतीवाला कॉलेज जवळ) यांनी तक्रार दाखल केली आहे. याप्रकरणी गंगापूर पोलिस ठाण्यात चोरीचा गुन्हा दाखल करण्यात आला आहे. थोरात या मंगळवारी दुपारच्या सुमारास अल्पावधीच्या कामासाठी सोसायटीच्या पार्किंगमध्ये आल्या असता ही घटना घडली. अज्ञात चोरट्यांनी त्यांच्या उघड्या घरात घुसून कपाटात ठेवलेली ५२ हजाराची रोकड आणि सोन्या चांदीचे दागिणे असा सुमारे ९१ हजार ५०० रूपयांचा ऐवज चोरून नेला. अधिक तपास पोलिस नाईक चौधरी करीत आहेत.
