नाशिक : औद्योगिक वसाहतीतील वेगवेगळया भागात घरात गळफास लावून घेत आत्महत्या करण्याच्या दोन घटना घडल्या आहे. याप्रकरणी अंबड पोलिस ठाण्यात मृत्यूच्या नोंद करण्यात आली आहे. पहिली घटना चुंचाळे शिवारात घडली. सचिन दत्तू सहारे (२१ रा. आशिर्वाद व्हिला,कारगिल चौक दत्तनगर) या युवकाने सोमवारी आपल्या राहत्या घरातील हॉलमध्ये अज्ञात कारणातून पंख्यास ओढणी बांधून गळफास लावून घेतला होता. त्यात त्याचा मृत्यू झाला. ही घटना रात्री उघडकीस आली. भाऊ योगेश सहारे यांनी याबाबत खबर दिली. दुसरी घटना अंबड गावातील आहे. येथील अनिता भानूदास पाटील (४८ रा.साई संकेत रो हाऊस,श्रीकृष्णनगर) या महिलेने सोमवारी घरात कुणी नसतांना अज्ञात कारणातून आपल्या बेडरूममध्ये पंख्यास साडी बांधून गळफास लावून घेतला होता त्यात त्यांचा मृत्यू झाला. ही बाब सायंकाळच्या सुमारास उघडकीस आली. याबाबत मुलगा दीपक पाटील यांनी खबर दिली. या दोन्ही घटनांची अंबड पोलिस ठाण्यात नोंद करण्यात आली असून अधिक तपास अनुक्रमे हवालदार देशमुख व चव्हाण करीत आहेत.
