नाशिक : तपोवनातील टाकळीरोड भागात बंद फ्लॅटचा कडीकोयंडा तोडून चोरट्यांनी इलेक्ट्रीक मोटारी व पाण्याचे मशिन असा सुमारे ६० हजाराचा लंपास केला. याप्रकरणी आडगाव पोलिस ठाण्यात घरफोडीचा गुन्हा दाखल करण्यात आला आहे. दिपक पुंडलीक जाधव (४५ रा.साईनगर,अमृतधाम) यांनी तक्रार दाखल केली आहे. जाधव यांचा पवार मळयातील गोदावरी लॉन्स भागात फ्लॅट आहे. शनिवारी (दि.२) रात्री अज्ञात चोरट्यांनी त्यांच्या बंद फ्लॅटचा कडीकोयंडा तोडून घरात ठेवलेली किर्लोस्कर कंपनीच्या दोन क्रॉप्टन कंपनीची एक अश्या तीन इलेक्ट्रीक मोटारी आणि पाण्याचे कॉम्प्रेसर मशिन असा सुमारे ६० हजाराचा ऐवज चोरून नेला. अधिक तपास उपनिरीक्षक पाथरे करीत आहेत.
