नाशिक : घरफोडीत चोरट्यांनी दीड लाखाच्या ऐवज लंपास केल्याची घटना वडाळा पाथर्डी रोडवरील आयोध्या नगरी भागात घडली. या घरफोडीत चोरट्यांनी ५० हजाराच्या रोकडसह सोन्याचांदीच्या दागिने चोरले आहे. पंकज सदाशिव बयाणी (रा.साईरत्न रो हाऊस,आव्हाड मळा,आदित्य हॉल जवळ) यांनी याप्रकरणी तक्रार दाखल केली असून इंदिरानगर पोलिस ठाण्यात घरफोडीचा गुन्हा दाखल करण्यात आला आहे.बयाणी कुटुंबिय २ ते ६ ऑक्टोबर दरम्यान बाहेरगावी गेले असता ही घटना घडली. अज्ञात चोरट्यांनी त्यांच्या बंद घराच्या बेडरूमच्या खिडकीचे गज वाकवून ही घरफोडी केली. घरात घुसलेल्या चोरट्यांनी बेडरूममधील कपाट उघडून तिजोरीतील ५० हजाराची रोकड आणि सोन्याचांदीचे दागिणे असा सुमारे १ लाख ४१ हजार रूपये किमतीचा ऐवज चोरून नेला. अधिक तपास उपनिरीक्षक उघडे करीत आहेत.
आयोध्या नगरी परिसरात घरफोडी; ५० हजारासह सोन्याचांदीचे दागिने चोरट्यांनी केले लंपास
प्राातिनिधिक फोटो
