नाशिक (इंडिया दर्पण वृत्तसेवा) – औद्योगीक वसाहतीतील शिवाजीनगर भागात किरकोळ कारणातून १७ वर्षीय मुलावर एकाने चॉपरने हल्ला केल्याची घटना घडली. या घटनेत मुलगा जखमी झाला असून याप्रकरणी सातपूर पोलिस ठाण्यात गुन्हा दाखल करण्यात आला आहे. मॉडेल उर्फ मयूर (रा.आरके पॉईंटजवळ,छत्रपती शिवाजी महाराज विद्यालय कार्बननाका) असे चॉपरने हल्ला करणा-या संशयिताचे नाव आहे. याप्रकरणी साहिल दिपक तिवडे (रा.तिवडे मळा,श्रमिकनगर) याने तक्रार दाखल केली आहे. तिवडे मंगळवारी (दि.४) रात्री कार्बननाका भागातील आर के पॉईंट परिसरात गेला होता. यावेळी परिसरातील संशयिताने त्यास गाठून तू इथे का आलास असे म्हणत त्याच्यावर चॉपरने हल्ला केला. या घटनेत तिवडेच्या पोटावर आणि डोक्यावर वार करण्यात आल्याने तो गंभीर जखमी झाला असून अधिक तपास सहाय्यक निरीक्षक पाटील करीत आहेत.
