नाशिक (इंडिया दर्पण वृत्तसेवा) -लष्करी हद्दीतील लेव्हीट मार्केट भागात मंगळवारी रात्री दोन दुकाने चोरट्यांनी फोडल्याची घटना घडली आहे. या घटनेत चोरट्यांनी एका दुकानाच्या गल्यातील रोकड चोरट्यांनी लंपास केली. तर दुस-या दुकानात चोरट्यांच्या हाती काहीच लागले नाही. या चोरीप्रकरणी ललीत मोहन सचदेव (रा.आडकेनगर,दे.कॅम्प) यांनी तक्रार दाखल केली आहे. सचदेव यांचे लेव्हीट मार्केट येथे वैष्णवी स्टोअर्स नावाचे दुकान आहे. मंगळवारी रात्री अज्ञात चोरट्यांनी सचदेव यांच्यासह साईकृपा सायकल वर्कस हे दुकान फोडले. सचदेव यांच्या दुकानाच्या छताचा पत्रा उचकटून व सिलींग तोडून गल्यातील सुमारे नऊ हजाराची रोकड चोरून नेली. तर सायकल दुकानात चोरट्यांच्या हाती काही लागले नाही. त्यामुळे त्यांना खाली हात परतावे लागले. याप्रकरणी देवळाली कॅम्प पोलिस ठाण्यात घरफोडीचा गुन्हा दाखल करण्यात आला आहे. अधिक तपास हवालदार सिध्दपुरे करीत आहेत.
