नाशिक (इंडिया दर्पण वृत्तसेवा) – तुळजाभवानीनगर भागात घरात घुसून परिचीत तरूणाने अल्पवयीन मुलीचा विनयभंग केल्याची घटना घडली. पोलिसांनी तात्काळ संशयितास अटक केली असून याप्रकरणी पंचवटी पोलिस ठाण्यात विनयभंगासह बाल लैंगिक अत्याचार संरक्षण अधिनियम (पोक्सो) कायद्यान्वये गुन्हे दाखल करण्यात आला आहे. नितीन संतोष जोशी (२१ रा.आनंदवली,गंगापूररोड) असे अटक केलेल्या संशयिताचे नाव आहे. याबाबत कुसूमाग्रज उद्यान मार्गावरील मोरे मळा भागात राहणाºया पिडीतेने याप्रकरणी तक्रार दाखल केली आहे. सोमवारीसायंकाळच्या सुमारास ही घटना घडली. मुलगी घरात एकटी असल्याची संधी साधत संशयिताने घरात प्रवेश केला. यावेळी पीडितेने त्यास विरोध केला असता संशयिताने तिचे कपडे फाडून विनयभंग केला. अधिक तपास सहाय्यक निरीक्षक पडोळकर करीत आहेत.
