नाशिक : भरदिवसा घरफोडी करुन चोरट्यांनी सोन्याचांदीच्या दागिण्यांसह सुमारे ६० हजाराच्या ऐवज चोरुन नेला. सिडकोतील सदभावना चौक परिसरात ही चोरीची घटना घडली. याप्रकरणी अंबड पोलिस ठाण्यात गुन्हा दाखल करण्यात आला आहे. इम्तियाज दिलावर शेख (रा.स्वामी समर्थ मंदिरासमोर) यांनी याप्रकरणी तक्रार दाखल केली आहे. शेख कुटूंबिय गेल्या सोमवारी दुपारच्या सुमारास कामानिमित्त घराबाहेर पडले असता ही घटना घडली. अज्ञात चोरट्यांनी त्यांच्या बंद घराचा कडीकोयंडा तोडून कपाटातील तिजोरीतून सोन्याचांदीचे दागिणे व आयफोन असा सुमारे ६० हजाराचा ऐवज चोरून नेला. उपनिरीक्षक शेवाळे तपास करीत आहेत.
