नाशिक : भोसला मिलीटरी कॉलेजच्या आवारातून चोरट्यांनी दोन चंदनाचे झाडे कापून नेल्याची घटना घडली आहे. कॉलेज आवारातील पंडीत नेहरू भवन बिल्डींग समोरील व आवारातील दाट झाडींमधील झाडे चोरट्यांनी कापून नेले. या झाडाच्या खोडाची किंमत दहा हजार रूपये असल्याचे सांगण्यात आले. ही घटना गेल्या शनिवारी रात्री घडली. या चोरीप्रकरणी दत्तू दगडू माळी यांनी तक्रार दाखल केली असून गंगापूर पोलिस ठाण्यात गुन्हा दाखल करण्यात आला आहे. पोलिस नाईक मोहिते तपास करीत आहेत.
