नाशिक – सिडकोतील त्रिमुर्ती चौकात जांभळाच्या झाडावरून पडल्याने ३५ वर्षीय व्यक्तीचा मृत्यू झाल्याची घटना घडली. गणपत महादू वळवी ( रा. पाटीलनगर, त्रिमुर्तीचौक) असे मृत इसमाचे नाव आहे. वळवी बुधवारी दुपारी दुर्गा देवी मंदिर परिसरातील वीज बिल भरणा केंद्र परिसरातील जांभळाच्या झाडावर चढले असता ही घटना घडली. जांभळे तोडत असतांना अचानक पाय घसरून ते जमिनीवर कोसळले होते. या घटनेत गंभीर दुखापत झाल्याने त्यांना तातडीने जिल्हा रूग्णालयात दाखल केले असता वैद्यकीय सुत्रांनी मृत घोषीत केले. याप्रकरणी अंबड पोलिस ठाण्यात मृत्यूची नोंद करण्यात आली आहे.
