नाशिक : पंचवटीतील गणेशवाडी आयुर्वेदीक दवाखाना भागात भरधाव टेम्पोने दिलेल्या धडकेत स्कूटीस्वार तरूण ठार झाला. अंकुश जालींदर जाधव (३२ रा.सार्वजनिक वाचनालयासमोर,गणेशवाडी) असे मृत स्कूटीस्वाराचे नाव आहे. याप्रकरणी पंचवटी पोलिस ठाण्यात अपघाताची नोंद करण्यात आली असून टेम्पो चालकास पोलिसांनी अटक केली आहे. जाधव सोमवारी रात्री आयुवर्दीक दवाखान्यासमोरून जात असतांना गंगाघाटाकडून गणेशवाडीच्या दिशेने भरधाव जाणा-या लेलंड टेम्पो एमएचने १५ ६५५३ समोरून येणा-या स्कूलीला धडक दिली. या अपघातात जाधव गंभीर जखमी झाल्याने त्याचा मृत्यू झाला. याप्रकरणी मृताचा मामे भाऊ बजरंग शिंदे यांनी दिलेल्या तक्रारीवरून टेम्पो चालक अरविंद विजयनाथ यादव (रा.घाटोळ मळा,कामगारनगर सातपूर) याच्याविरूध्द गुन्हा दाखल करण्यात आला असून उपनिरीक्षक देवरे तपास करीत आहेत.
