नाशिक : काठेगल्लीत बंद बंगल्याचे कुलूप तोडून चोरट्यांनी ५५ हजाराच्या ऐवजावर डल्ला मारला. त्यात इनव्हटर,कॅमेरा,ट्रॉली बॅग आणि पितळी भांड्याचा समावेश आहे. अशोक रमाकांत बाजपेयी (६२ रा.नयनतारा अपा.जवळ अमृतरत्ननगर) यांनी याप्रकरणी तक्रार दाखल केली आहे. याप्रकरणी भद्रकाली पोलिस ठाण्यात घरफोडीचा गुन्हा दाखल करण्यात आला आहे. बाजपेयी कुटुंबिय १८ ते २७ जून दरम्यान बाहेरगावी गेले असता ही घटना घडली. अज्ञात चोरट्यांनी त्यांच्या बंद बंगल्याचे कुलूप तोडून घरातील वीजेचे इन्वटर, कॅमेरा,ट्रॉली बॅग,पितळी भांडे असा सुमारे ५४ हजार ५०० रूपये किमतीचा ऐवज चोरून नेला. सहाय्यक निरीक्षक मोहिते तपास करीत आहेत.
बंगल्याचे कुलूप तोडून चोरट्यांनी ५५ हजाराच्या ऐवजावर मारला डल्ला
प्रातिनिधिक फोटो
