नाशिक – शालिमार ते महामार्ग बस स्टॅण्ड दरम्यान शहर बसमधून प्रवास करीत असतांना महिलेच्या पर्समधील हिरे जडीत दागिणे व रोकड असा सुमारे ३९ हजाराचा ऐवज चोरट्यांनी चोरून नेल्याची घटना घडली. मनिषा सोनवणे (रा.स्नेहबंधन पार्क,शरणपूररोड) यांनी याप्रकरणी तक्रार दाखल केली आहे. याप्रकरणी मुंबईनाका पोलिस ठाण्यात चोरीचा गुन्हा दाखल करण्यात आला आहे. सोनवणे या सोमवारी शालिमार भागात गेल्या होत्या. मुंबईनाका भागात जाण्यासाठी त्या दुपारच्या सुमारास बसप्रवास करीत असतांना ही घटना घडली. शालिमार चौक ते महामार्ग बसस्टॅण्ड दरम्यान त्या शहर बसमधून प्रवास करीत असतांना भामट्या सहप्रवाश्याने त्यांच्या पर्समधील एक हजाराची रोकड व हिरे जडीत अंगठी असा सुमारे ३८ हजार ५८१ रूपये किमतीचा ऐवज हातोहात लांबविला. उपनिरीक्षक पाटील करीत आहेत.
