नाशिक (इंडिया दर्पण वृत्तसेवा) – गंजमाळ परिसरात दगडफेक आणि हाणामारीच्या घटनेनंतर पोलिसांनी धरपकड सुरु केली असून पोलिसांनी आतापर्यंत १९ जणांना गजाआड केले आहेत. तर ३५ संशयितांवर गुन्हे दाखल केले आहेत. जुन्या भांडणाची कुरापत काढत दोन गटात ही हाणामारी झाली होती. यात दोन्ही गटांनी दगडफेक केली होती. त्यामुळे काही काळ शालीमार – व्दारका रस्त्यावरील वाहतुकीवरही परिणाम झाला होता. अनेक दुकानदारांनी आपली दुकाने बंद केली होती. या सर्व प्रकराणाचा हाणामारीचे व्हिडीओ आता समोर आले आहे. त्यामुळे पोलिसांनी तातडीने कारवाई करत १९ गुन्हेगारांना अटक केली आहे. या परिसरात पोलिसांकडून परिसरात बंदोबत कायम ठेवण्यात आला आहे.
या दगडफेक आणि हाणामारीचे व्हिडीओ सोशल मीडियावर व्हायरला झाला आहे. त्यात जमाव हाणामारी करत रस्त्यावर आल्याचे दिसत आहे. त्यानंतर दगडफेक करुन वाहनांचे नुकसान झाल्याचे दिसत आहे. या दगडफेक आणि हाणामारी प्रकरणी आणखींन काहींना अटक होण्याची शक्यता आहे. आतापर्यंत पोलिसांकडून तब्बल ३५ संशयितांवर गुन्हे दाखल करण्यात आले असून १९ जणांना पोलिसांनी ताब्यात घेतले आहे.
