नाशिक : महामार्ग बसस्थानकात पतीसमवेत बाहेरगावी जाणा-या महिलेच्या पर्स मधून १ लाख ९४ हजार रूपयांचे दागिणे चोरट्यांनी लंपास केले. बसमध्ये चढतांना प्रवासी असल्याचे भासवून गर्दीत महिलांचे अलंकारांवर डल्ला मारण्यात आला. जानकीराम जगन्नाथ दुसाने (रा.ठाणे) यांनी याप्रकरणी तक्रार दाखल केली आहे. दुसाने दांम्पत्य नातेवाईकांना भेटण्यासाठी शहरात आले होते. गेल्या रविवारी (दि.१५) ते परतीच्या प्रवासासाठी महामार्ग बसस्थानकात गेले असता ही घटना घडली. नाशिक ठाणे बसमध्ये चढत असतांना गर्दीची संधी साधत अज्ञात चोरट्यांनी दुसाने यांच्या पत्नीच्या खांद्याला अडकविलेल्या पर्स उघडून दागिण्यांची प्लास्टीक डबी चोरून नेली. या डबीत मंगळसूत्र व अंगठ्या असा सुमारे १ लाख ९४ हजार रूपयांचे दागिणे होते. अधिक तपास हवालदार सोनार करीत आहेत.
