नाशिक : नाशिक पुणे मार्गावर रस्ता ओलांडणा-या महिलेच्या गळयातील सुमारे सव्वा लाखाची पोत दुचाकीस्वार ओरबाडून नेल्याची घटना घडली. या चोरी प्रकरणी भारती निरज कासलीवाल (५० रा.अंबिकानगर,पखालरोड) यांनी तक्रार दाखल केली असून उपनगर पोलिस ठाण्यात जबरीचोरीचा गुन्हा दाखल करण्यात आला आहे. कासलीवाल या बुधवारी आपल्या मुलीसमवेत वेस्ट साईड मॉल येथे खरेदीसाठी गेल्या होत्या. खरेदी करून मायलेकी घराकडे परतत असतांना नाशिक पुणे मार्गावरील रघुवंशी सॉ मिल समोरील रस्ताच्या पंक्चरवर दोन्ही उभ्या असतांना ही घटना घडली. वाहनांची वर्दळ असतांना मायलेकी दुभाजकाच्या पंक्चरमध्ये उभ्या असतांना गोंधळे हॉस्पिटलकडून आलेल्या हेल्मेटधारी दुचाकीस्वारांपैकी एकाने त्यांच्या गळयातील सुमारे १ लाख २० हजार रूपये किमतीची सोन्याची पोत हिसकावून नेली. अधिक तपास उपनिरीक्षक लोंढे करीत आहेत.
महिलेच्या गळयातील सव्वा लाखाची पोत दुचाकीस्वारांनी केली लंपास
प्रातिनिधिक फोटो
