नाशिक : नानावली भागात टोळक्याने घरात घुसून दांम्पत्यास बेदम मारहाण केल्याची घटना घडली. पुतणीस पळवून नेल्याची पोलिसात तक्रार दिल्याने या घटनेत टोळक्याने ही मारहाण केली. याप्रकरणी भद्रकाली पोलिस ठाण्यात गुन्हा दाखल करण्यात आला आहे.
साजीया सलाउद्दीन शेख,जुफीयान सलाउद्दीन शेख,फैसल सलाउद्दीन शेख (रा.सर्व वडाळागाव),नसरीन जमीर शेख,जमीर शेख (रा.खडकाळी) आणि शहजाद नामक युवक अशी दांम्पत्यास मारहाण करणा-या टोळक्याची नावे आहेत. सर्फराज उर्फ सोजू शेरखान पठाण (रा.नानावली) यांनी याप्रकरणी तक्रार दाखल केली आहे. पठाण यांच्या पुतणीस जिब्रान शेख याने पळवून नेले आहे. त्यामुळे पठाण आपल्या भावासमवेत पोलिसात तक्रार दाखल करण्यासाठी गेले असता ही घटना घडली. संतप्त टोळक्याने सोमवारी (दि.१) सायंकाळच्या सुमारास पठाण यांच्या बेकायदेशीर घुसून दाम्पत्यावर हल्ला केला. गैर कायद्याची मंडळी जमवून संशयित टोळक्याने पठाण दांम्पत्याच्या अंगावर धावून शिवीगाळ करून लाथाबुक्यांनी मारहाण केली. या टोळक्याने महिलेच्या सोन्याच्या रिंगा, मोबाईल आणि ८०० रूपयांची रोकड बळजबरीने काढून घेत पोबारा केला असून अधिक तपास सहाय्यक निरीक्षक बिडगर करीत आहेत.
