नाशिक : शहरातील वेगवेगळया भागात पार्क केलेल्या तीन दुचाकी चोरट्यांनी नुकत्याच चोरून नेल्या. याप्रकरणी नाशिकरोड व म्हसरूळ पोलिस ठाण्यात नोंदी करण्यात आल्या आहे. पहिली घटना देवळाली गावात घडली. महेश अशोक साठे (रा.बापू शॉकप्सर गॅरेज समोर,देवळाली गाव) यांची दुचाकी एमएच १५ एचडी ११३४ गेल्या मंगळवारी (दि.२) त्यांच्या गॅरेजमध्ये लावलेली असतांना चोरट्यांनी चोरून नेली. दोन्ही घटनांप्रकरणी नाशिकरोड पोलिस ठाण्यात नोंद करण्यात आली असून अधिक तपास हवालदार दराडे आणि पोलिस नाईक देवरे करीत आहेत. दुसरी घटना पेठरोडवर घडली. रोहन ज्ञानदेव काकुळते (रा.स्वामी वंदन हाईटस,समर्थनगर) यांची स्प्लेंडर एमएच १५ बीटी ८९१ गेल्या सोमवारी (दि.१) रात्री त्यांच्या सोसायटीच्या पार्किंगमध्ये लावलेली असतांना चोरट्यांनी चोरून नेली. याप्रकरणी म्हसरूळ पोलिस ठाण्यात नोंद करण्यात आली असून अधिक तपास हवालदार चव्हाण करीत आहेत. तिसरी घटना सुभाषरोड भागात घडली. मतीन असलम शेख (रा.टोमॅटो कॉम्प्लेक्स,सुभाषरोड) यांची पॅशन प्लस एमएच १५ सीएक्स ८५५५ गेल्या २६ जुलै रोजी रात्री त्यांच्या सोसायटीच्या पार्किंगमध्ये लावलेली असतांना चोरट्यांनी पळवून नेली. याप्रकरणी नाशिकरोड पोलिस ठाण्यात गुन्हा दाखल करण्यात आला असून अधिक तपास हवालदार दराडे करीत आहेत.
दुचाकी चोरीचे सत्र सुरुच; शहरात पार्क केलेल्या तीन दुचाकी चोरीला
