नाशिक – अल्पवयीन मुलावर वेळोवेळी अनैसर्गिक अत्याचार केल्याप्रकरणी सातपूर पोलिस ठाण्यात अनैसर्गिक अत्याचार आणि बाल लैंगिक अत्याचार संरक्षण (पोक्सो) कायद्यान्वये गुन्हा दाखल करण्यात आला असून आरोपीला अटक केली आहे. औद्योगीक वसाहतीतील श्रमिक नगर भागात खाण्यापिण्याचे आमिष दाखवून नंतर पार्न व्हिडीओ दाखवत परिचीताने हे कृत्य केले आहे. कुणास सांगितल्यास जीवे मारेल अधी धमकी दिल्याने मुलगा निमुटपणे त्याचा अत्याचार सहन करत होता. मात्र संशयिताचे ब्लॅकमेलिंग वाढल्याने मुलाने आपल्या पालकांकडे आपबिती कथन केली. त्यानंतर हा प्रकार पोलिसात पोहचला असून संशयितास अटक करण्यात आली आहे. पोलिसांनी दिलेल्या माहितीनुसार पीडित मुलगा आणि ३० वर्षीय संशयित एकमेकांचे परिचीत असून ते एकाच भागात राहतात. काही दिवसांपूर्वी पीडित शाळकरी मुलगा रस्त्याने जात असतांना संशयिताने त्यास आपल्या घरात बोलावले. मुलगा घरात गेला असता त्यास खाण्यापिण्यास देण्यात आले. दोघांमध्ये जवळीक वाढल्याने दुस-या दिवशीही त्यास बोलावून घेत संशयिताने खाण्यापिण्याचे आमिष दाखविले. चांगले खाण्यास देईल अशी ग्वाही देत त्याने मुलास मोबाईलवर अश्लिल व्हिडीओ दाखविला. त्यानंतर मुलासोबत त्याने अश्लिल चाळे केले. मुलाने नकार देत प्रतिकार केला असता संशयिताने त्यास मारहाण करीत बळजबरीने अनैसर्गिक अत्याचार केला. या प्रकरणात अधिक तपास सहाय्यक निरीक्षक पठाण करीत आहेत.
