नाशिक : मखमलाबाद रोडवरील मातोश्रीनगर भागात भाजीपाला खरेदी करून घराकडे जाणा-या महिलेच्या गळयातील सोन्याची पोत दुचाकीस्वार भामट्यांनी ओरबाडून नेल्याची घटना घडली. अलका उमेश पाटील (रा.राहूल चौक,विद्यानगर) यांनी याप्रकरणी तक्रार दाखल केली असून म्हसरूळ पोलिस ठाण्यात जबरीचोरीचा गुन्हा दाखल करण्यात आला आहे. पाटील या रविवारी रात्री आपल्या बहिणीसमवेत परिसरातील भाजी बाजारात भाजीपाला खरेदी करण्यासाठी गेल्या होत्या. भाजीपाला आणि दुध घेऊन दोघी बहिणी चंद्रकांत गॅस गोडावून जवळून पायी जात असतांना ही घटना घटली. मातोश्रीनगर येथील परदेशी चाळी समोर दुचाकीवर आलेल्या भामट्यांपैकी एकाने पायी चालत येवून पाटील यांच्या गळयातील सुमारे ४० हजार रूपये किमतीची सोन्याची पोत हिसकावून नेली. अधिक तपास उपनिरीक्षक घडवजे करीत आहेत.
मखमलाबाद रोडवर महिलेच्या गळयातील सोन्याची पोत दुचाकीस्वारांनी ओरबाडली
प्रातिनिधिक फोटो
