वाहतूक सिग्नलला कंट्रोल करणारी केबल अज्ञात चोरट्यांनी चोरून नेली
नाशिक : वाहतूक सिग्नलला कंट्रोल करणारी केबल अज्ञात चोरट्यांनी चोरून नेल्याची घटना पेठरोडवरील शरदचंद्र पवार मार्केटजवळ घडली आहे. या चोरी प्रकरणी संजय कुलकर्णी यांनी चोरीची तक्रार दिली आहे. गेल्या शनिवारी मध्यरात्रीच्या सुमारास अज्ञात चोरट्यांनी वाहतूक सिग्नलसाठी पोलवर टाकलेली ३० हजारांची केबल चोरून नेली. याप्रकरणी पंचवटी पोलीसात गुन्हा दाखल करण्यात आला आहे.
गळफास घेवून ५५ वर्षीय व्यक्तीने केली आत्महत्त्या
नाशिक : औद्योगिक वसाहतीतील शिवाजीनगर भागात राहत्या घरात गळफास घेवून ५५ वर्षीय व्यक्तीने आत्महत्त्या केली. याप्रकरणी गंगापूर पोलीस ठाण्यात नोंद करण्यात आली आहे. प्रमोद रामभाऊ भवर (५५, रा. सिताबाई भवन, शिवाजीनगर, गंगापूर शिवार) असे मयताचे नाव आहे. भवर यांनी शनिवारी (दि.२५) अज्ञात कारणातून आपल्या राहत्या फ्लॅटच्या हॉलमध्ये गळफास लावून घेतला होता त्यात त्याचा मृत्यू झाला.
