नाशिक (इंडिया दर्पण वृत्तसेवा) – गंगापूररोड भागात झोपेत पलंगावरून पडल्याने ७८ वर्षीय वृध्देचा मृत्यू झाला. याप्रकरणी पोलिस दप्तरी मृत्यूची नोंद करण्यात आली आहे. कळीबाई दामोदर पाटील (रा.झेप बंगलो,गगापूररोड) असे मृत वृध्देचे नाव आहे.
कळीबाई पाटील या बुधवारी (दि.६) आपल्या राहत्या घरातील पलंगावर झोपलेल्या असतांना ही घटना घडली होती. अचानक तोल गेल्याने त्या पलंगावरून पडल्या होत्या. या घटनेत त्यांच्या उजव्या पायास दुखापत झाल्याने मुलगा सुभाष पाटील यांनी त्यांना तातडीने थत्तेनगर येथील निम्स हॉस्पिटल मध्ये दाखल केले असता उपचार सुरू असतांना वैद्यकीय सुत्रांनी मृत घोषीत केले.
याबाबत डॉ. आकाश पाटील यांनी दिलेल्या खबरीवरून गंगापूर पोलिस ठाण्यात मृत्यूची नोंद करण्यात आली असून अधिक तपास हवालदार झिरवाळ करीत आहेत.
Nashik City Crime Police Theft dacoity murder suicide fight beaten
