नाशिक (इंडिया दर्पण वृत्तसेवा)-औद्योगीक वसाहतीतील दत्तनगर भागात घराच्या छतावरील पत्र्यांची दुरूस्ती करीत असतांना पडल्याने २५ वर्षीय तरूणाचा मृत्यू झाला. चंदन धनाजी राम (रा.कारगीलचौक,दत्तनगर) असे मृत तरूणाचे नाव आहे. याप्रकरणी अंबड पोलिस ठाण्यात मृत्यूची नोंद करण्यात आली आहे.
पोलिसांनी दिलेल्या माहितीनुसार चंदन राम गेल्या मंगळवारी (दि.७) पावसाळी पाण्यामुळे आपल्या घरावर चढून पत्र्यांची दुरूस्ती करीत असतांना ही घटना घडली होती. दुरूस्ती करीत असतांना पत्र्यावरून पाय घसरल्याने तो पडला होता.
या घटनेत डोक्यास गंभीर दुखापत झाल्याने पत्नी अंजू राम यांनी त्यास तात्काळ जिल्हा रूग्णालयात दाखल केले होते. शनिवारी उपचार सुरू असतांना डॉ. अभिषेक डे यांनी त्यास मृत घोषीत केले. अधिक तपास हवालदार चव्हाण करीत आहेत.
Nashik City Crime Police Theft dacoity murder suicide fight beaten
