सिडकोतील पवननगर येथे २६ वर्षीय विवाहीतेची गळफास घेऊन आत्महत्या

नाशिक (इंडिया दर्पण वृत्तसेवा)-२६ वर्षीय विवाहीतेने आपल्या राहत्या घरात गळफास घेऊन आत्महत्या केल्याची घटना सिडकोतील पवननगर भागात घडली. रूपाली ज्ञानेश्वर गवांदे (रा.मर्चंट बँके मागे,पवननगर) असे मृत महिलेचे नाव आहे. गवांदे यांच्या आत्महत्येचे कारण समजू शकले नाही. याप्रकरणी अंबड पोलिस ठाण्यात मृत्यूची नोंद करण्यात आली आहे.

रूपाली गवांदे यांनी शनिवारी (दि.१२) अज्ञात कारणातून आपल्या राहत्या घरातील बेडरूममध्ये पंख्यास ओढणी बांधून गळफास लावून घेतला होता. त्यात त्यांचा मृत्यू झाला. सायंकाळी भाचा चावी घेण्यासाठी त्यांच्या घरी गेला असता ही घटना उघडकीस आली.

याबाबत दत्तू साबळे यांनी दिलेल्या खबरीवरून पोलिस दप्तरी मृत्यूची नोंद करण्यात आली असून अधिक तपास पोलिस नाईक देशमुख करीत आहेत.
Nashik City Crime Police Theft dacoity murder suicide fight beaten