नाशिक (इंडिया दर्पण वृत्तसेवा)- मालेगाव स्टॅण्ड भागात मागील भांडणाची कुरापत काढून टोळक्याने एकास बेदम मारहाण केल्याची घटना घडली. या घटनेत युवक जखमी झाली असून याप्रकरणी पंचवटी पोलिस ठाण्यात चार जणांविरोधात गुन्हा दाखल करण्यात आला आहे.
गुरू वाघ, दिगंबर वाघ, दादू भिसे व रोहिदास आहेर (रा.सर्व नवनाथनगर,पेठरोड) अशी तरूणास मारहाण करणा-या संशयितांची नावे आहेत. याप्रकरणी भुषण दिपक यादव (२३ रा.चेतन बेकरी जवळ,नवनाथनगर) या तरूणाने तक्रार दाखल केली आहे. यादव शनिवारी (दि.१२) सायंकाळच्या सुमारास मालेगाव स्टॅण्ड येथील रिक्षा स्टॅण्ड भागातून जात असतांना संशयित टोळक्याने त्यास गाठून मागील भांडणाची कुरापत काढली.
यावेळी संतप्त टोळक्याने त्यास शिवीगाळ करीत लाथाबुक्यांनी बेदम मारहाण केली. या मारहाणीत यादव जखमी झाला असून अधिक तपास हवालदार माळोदे करीत आहेत.
Nashik City Crime Police Theft dacoity murder suicide fight beaten
