नाशिक (इंडिया दर्पण वृत्तसेवा) – शहरात वेगवेगळय़ा भागात राहणा-या दोघा तरूणांनी नुकतीच गळफास लावून घेत आत्महत्या केली. याप्रकरणी म्हसरूळ आणि इंदिरानगर पोलिस ठाण्यात मृत्यूची नोंद करण्यात आली आहे. पहिली घटना पाथर्डीफाटा भागात घडली.
शुभम राजेंद्र राणे (२० रा. हुमाकृपा रो हाऊस मुरलीधरनगर) या युवकाने बुधवारी (दि.१५) रात्री आपल्या राहत्या घरात अज्ञात कारणातून गळफास लावून घेतला होता. ही बाब निदर्शनास येताच कुटुंबियांनी त्यास तात्काळ सिग्नस हॉस्पिटल येथे प्रथमोपचार करून अधिक उपचारार्थ सुविधा हॉस्पिटल येथे दाखल केले असता डॉ.विशाल करवंदे यांनी त्यास मृत घोषीत केले.
डॉ.संजल जैन यांनी दिलेल्या खबरीवरून इंदिरानगर पोलिस ठाण्यात मृत्यूची नोद करण्यात आली असून अधिक तपास हवालदार देवरे करीत आहेत. दुसरी घटना मखमलाबाद शिवारात घडली. येथे राहणा-या आनंद लक्ष्मण लोखंडे (२८ रा.चामुंडा अपा.अश्वमेधनगर मागे) या युवकाने गुरूवारी आपल्या राहत्या घरातील बेडरूममध्ये अज्ञात कारणातून पंख्यास साडी बांधून गळफास लावून घेतला होता. त्यात त्याचा मृत्यू झाला.
याबाबत चेतन साबळे यांनी खबर दिल्याने म्हसरूळ पोलिस ठाण्यात मृत्यूची नोंद करण्यात आली असून अधिक तपास जमादार वाघ करीत आहेत.
