नाशिक (इंडिया दर्पण वृत्तसेवा) – जुगार खेळणा-या चार जणांवर पोलिसांनी कारवाई करत त्यांच्या ताब्यातून रोकडसह जुगाराचे साहित्य हस्तगत केले आहे. याप्रकरणी नाशिकरोड पोलिस ठाण्यात गुन्हा दाखल करण्यात आला आहे. फिरोज मोहम्मद पठाण (रा.मालधक्कारोड,फुलेनगर),संतोष धनराज कुमावत (रा.यश लॉन्स जवळ,औरंगाबादरोड),प्रविण मधुकर मोरे (रा.चव्हाटा जुने नाशिक) व तुषार रविंद्र नितनवरे (रा.श्रमिकनगर झोपडपट्टी,जेलरोड) अशी संशयितांची नावे आहे. गुलाबवाडीतील चर्चच्या बाजूला काही युवक जुगार खेळत असल्याची माहिती पोलिसांना मिळाली होती. त्यानुसार सोमवारी (दि.६) पोलिसांनी छापा टाकला असता संशयित पत्यांच्या कॅटवर अंदर बाहर नावाचा जुगार खेळतांना मिळून आले. त्यांच्या ताब्यातून सुमारे दोन हजाराची रोकड व जुगाराचे साहित्य हत्यगत करण्यात आले असून याबाबत पोलिस शिपाई जाधव यांनी दिलेल्या तक्रारीवरून गुन्हा दाखल करण्यात आला आहे. अधिक तपास हवालदार गांगुर्डे करीत आहेत.
जुगार खेळणा-या चार जणांवर पोलिसांची कारवाई; रोकडसह जुगाराचे साहित्य हस्तगत
