भांडणात मध्यस्थी करणा-यास लाकडी दांडक्याने बेदम मारहाण, गुन्हा दाखल

नाशिक (इंडिया दर्पण वृत्तसेवा) – हिरावाडी रोड येथे भांडणात मध्यस्थी करणा-यास लाकडी दांडक्याने बेदम मारहाण करण्यात आली आहे. या घटनेत मध्यस्थी करणारा जखमी झाले आहे. याप्रकरणी मनिष मिश्रा (रा.कृष्णाजी टावर,एफएमसी बँके शेजारी,पंचवटी) यांनी तक्रार दाखल केली असून पंचवटी पोलिस ठाण्यात गुन्हा दाखल करण्यात आला आहे. पोलिसांनी दिलेल्या माहितीनुसार धिरज मगर असे गुन्हा दाखल करण्यात आलेल्या संशयिताचे नाव आहे. मंगळवारी (दि.२८) रात्री कपील पगारे या रिक्षाचालकाने हिरावाडी रोड येथील अमोल बार समोर आपली अ‍ॅटोरिक्षा नेहमीप्रमाणे पार्क केली होती. प्रवाशांची प्रतिक्षा ते करीत असतांना लाकडी दांडका घेवून आलेल्या संशयिताने रिक्षाचे हुड फाडल्याने ही घटना घडली. पगारे आणि संशयित मगर यांच्यात रिक्षाच्या नुकसानीतून वाद सुरू असतांना मिश्रा वाद मिटविण्यासाठी गेले असता संशयिताने त्यांना शिवीगाळ करीत लाकडी दांडका डोक्यात हाणला. अचानक झालेल्या हल्यामुळे मिश्रा जमिनीवर कोसळताच संशयिताने त्यांना पुन्हा लाथाबुक्यांनीही बेदम मारहाण केली. यावेळी त्याने पोलिसात गेलास तर मी तुला बघून घेईन अशी धमकी दिली. या घटनेत मिश्रा जखमी झाले असून त्यांच्यावर उपचार सुरू आहेत. अधिक तपास हवालदार वनवे करीत आहेत.