नाशिक (इंडिया दर्पण वृत्तसेवा) – एन.डी. पटेल मार्गावर भरधाव अज्ञात वाहनाने धडक दिल्याने ६६ वर्षीय पादचारी ठार झाल्याची घटना घडली. श्रीपाद पंडीतराव कुलकर्णी (६६ रा.नाशिक गेस्ट हाऊस गंजमाळ) असे ठार झालेल्या पादचारीचे नाव आहे. याप्रकरणी भद्रकाली पोलिस ठाण्यात मृत्यूची नोंद करण्यात आली आहे. कुलकर्णी बुधवारी (दि.१) सायंकाळच्या सुमारास एन.डी.पटेल रोडने टेलीफोन एक्सचेंजच्या दिशेने पायी जात असतांना हा अपघात झाला. रस्त्याने पायी जात असतांना पाठीमागून भरधाव आलेल्या अज्ञात वाहनाने त्यांना धडक दिली होती. या घटनेत ते गंभीर जखमी झाल्याने महेश सचिदानंद सिंग यांनी त्यांना तात्काळ जिल्हा रूग्णालयात दाखल केले असता वैद्यकीय सुत्रांनी मृत घोषीत केले. अधिक तपास पोलिस नाईक थेटे करीत आहेत.
