नाशिक : दिंडोरीरोडवरील रिलायन्स पेट्रोलपंपा समोर सिग्नलवर उभ्या असलेल्या मालवाहू पिकअप वाहनास आयशर ट्रकने धडक दिल्याची घटना घडली आहे. या अपघातात शेतकरी जखमी झाला आहे. अशोक गंगाराम गायकवाड (५६ रा.आंबेवणी ता.दिंडोरी) असे जखमी शेतक-याचे नाव आहे. त्यांच्या पायास मोठी दुखापत झाली आहे. या अपघातात दोन्ही वाहनांचे मोठे नुकसान झाले आहे. याप्रकरणी म्हसरूळ पोलिस ठाण्यात ट्रक चालक प्रकाश गणपत गैहिल (रा.पेठरोड) याच्याविरूध्द अपघाताचा गुन्हा दाखल करण्यात आला आहे. पोलिसांनी दिलेल्या माहितीनुसार गायकवाड सोमवारी दुपारच्या सुमारा एमएच ०४ सीपी ८४ या पिकअप वाहनात भाजीपाला भरून नाशिक कृषी उत्पन्न बाजार समितीत विक्रीसाठी येत असतांना हा अपघात झाला. रिलायन्स पेट्रोलपंप भागात सिग्नल पडल्याने मालवाहू पिकअप थांबली असता ही घटना घडली. पाठीमागून भरधाव येणाºया आयशर एमएच १५ जीव्ही ९०९३ या ट्रकवरील चालकाचा ताबा सुटल्याने ट्रक पिकअपवर आदळली. या अपघातात फाळक्यात बसलेले गायकवाड जखमी झाले. या घटनेचा पोलिस नाईक गवारे तपास करीत आहेत.
मालवाहू पिकअप वाहनास आयशर ट्रकची धडक; अपघातात शेतकरी जखमी
