नाशिक (इंडिया दर्पण वृत्तसेवा)– फार्मसी कॉलेज भागात दहशत माजवित धारदार कोयत्याचा धाक दाखवणा-या तरूणास पोलिसांनी गजाआड केले आहे. या तरुणाच्या ताब्यातून तलवार हस्तगत करण्यात आली आहे. याप्रकरणी पंचवटी पोलिस ठाण्यात शस्त्रबंदी कायद्यान्वये गुन्हे दाखल करण्यात आला आहे. देवेंद्र सुभाष पवार (१९ रा. गुलमोहर अपा.शांतीनगर,मखमलाबादरोड) असे संशयिताचे नाव आहे.
पंचवटी फार्मसी भागात संशयित कोयता घेवून फिरत असल्याची माहिती पोलिसांना मिळाली होती. त्यानुसार मंगळवारी (दि.१) पोलिसांनी धाव घेत त्याच्या मुसक्या आवळल्या. संशयिताच्या ताब्यातून कोयता हस्तगत करण्यात आला असून याप्रकरणी अंमलदार वैभव परदेशी यांनी दिलेल्या फिर्यादीवरून गु्ह्याची नोंद करण्यात आली आहे. अधिक तपास पोलिस नाईक लोणारे करीत आहेत.
मोटारसायकल चोरीची मालिका सुरू, दोन दुचाकी चोरीला
शहरात असून वेगवेगळया भागात पार्क केलेल्या दोन दुचाकी चोरट्यांनी नुकत्याच पळवून नेल्या. याप्रकरणी म्हसरूळ आणि पंचवटी पोलिस ठाण्यात गुह्यांची नोंद करण्यात आली आहे. दिंडोरीरोड भागातील वामन थिमप्पा पुजारी (रा.सरोवर हौ. सोसा.म्हसरूळ) यांची स्प्लेंडर एमएच १५ ईवाय २७९३ गेल्या २७ जुलै रोजी त्यांच्या सोसायटीच्या पार्किंगमध्ये लावलेली असतांना चोरट्यांनी ती चोरून नेली.
याप्रकरणी म्हसरूळ पोलिस ठाण्यात गुह्याची नोंद करण्यात आली असून अधिक तपास हवालदार भोये करीत आहेत. दुसरी घटना गोदाघाटावर घडली. प्रशांत छबन साळवे (रा.कोनार्क नगर) यांनी याप्रकरणी तक्रार दाखल केली आहे. साळवे गेल्या १० एप्रिल रोजी गोदाघाटावर गेले होते. कपालेश्वर मंदिरासमोर पार्क केलेली त्यांची स्प्लेंडर एमएच १५ बीवाय ६९२८ चोरट्यांनी पळवून नेली. याप्रकरणी पंचवटी पोलिस ठाण्यात गुह्याची नोंद करण्यात आली असून अधिक तपास पोलिस नाईक चव्हाण करीत आहेत.
nashik city crime police theft arrest panchavati bike two wheeler
