नाशिक (इंडिया दर्पण वृत्तसेवा) – पाथर्डी फाटा येथील गेटवे हॉटेलच्या भिंती लगत असलेल्या महाकाली चायनीज सेंटर जवळ कोयता हातात घेवून दहशत माजविणा-या दोघांवर पोलिसांनी कारवाई केली. या कारवाईत संशयितांच्या ताब्यातून कोयता हस्तगत करण्यात आला असून याप्रकरणी अंबड पोलिस ठाण्यात शस्त्रबंदी कायद्यान्वये गुन्हा दाखल करण्यात आला आहे.
सुदेश बाळासाहेब मोरे (३६ रा. बजरंग चौक विजयनगर,सिडको) व अभिषेक ज्ञानेश्वर शिरसाठ (२९ रा.काळे मळा चाळ,मोरेमळा सिडको) अशी कारवाई करण्यात आलेल्या कोयताधारींची नावे आहेत. गुरूवारी रात्री हे दोघे कोयत्याचा धाक दाखवत दहशत माजवित होते. याबाबतची माहिती मिळताच अंबड पोलिसांनी धाव घेत दोघांना ताब्यात घेतले असून त्यांच्या ताब्यातून कोयता हस्तगत करण्यात आला आहे. याबाबत नंदकुमार जाधव यांनी दिलेल्या फिर्यादीवरून गुह्याची नोंद करण्यात आली असून अधिक तपास हवालदार चव्हाण करीत आहेत.
१९ वर्षीय युवकाची राहत्या घरात आत्महत्या
१९ वर्षीय युवकाने आपल्या राहत्या घरात गळफास लावून घेत आत्महत्या केल्याची घटना पेठरोडवरील तेलंगवाडी भागात घडली. सागर दिनकर महाले (रा.लक्ष्मणनगर) असे मृत युवकाचे नाव आहे. सागरच्या आत्महत्येचे कारण समजू शकले नाही. याप्रकरणी पंचवटी पोलिस ठाण्यात मृत्यूची नोंद करण्यात आली आहे. महाले याने शुक्रवारी (दि.११) अज्ञात कारणातून आपल्या राहत्या घरात छताच्या लाकडी अडगईला कमरेचा पट्टा बांधून गळफास लावून घेतला होता. त्यात त्याचा मृत्यू झाला. याबाबत दिनकर महाले यांनी खबर दिल्याने पोलिस दप्तरी मृत्यूची नोंद करण्यात आली असून अधिक तपास हवालदार चव्हाण करीत आहेत.
Nashik City Crime Police Theft dacoity murder suicide fight beaten
