नाशिक (इंडिया दर्पण वृत्तसेवा) – अशोकामार्ग भागातील ममतानगर येथे किरकोळ कारणातून मामा भाच्यास बेदम मारहाण करण्यात आल्याची घटना घडली. या घटनेत विट फेकून मारण्यात आल्याने मामा जखमी झाला असून, याप्रकरणी मुबईनाका पोलिस ठाण्यात जेलरोड भागात राहणा-या दोघांविरूध्द गुन्हा दाखल करण्यात आला आहे.
किनार खान व इब्राहिम खान (रा.दोघे जेलरोड) अशी मामा भाच्यास मारहाण करणाऱ्या संशयितांची नावे आहेत. याप्रकरणी फय्याज उर्फ बब्बू अझीज शेख (रा.जलसा हॉटेलमागे,ममतानगर) यांनी तक्रार दाखल केली आहे. गेल्या ६ मे रोजी रात्री ही घटना घडली.
शेख आपल्या घरी असतांना दोघांनी त्यांना गाठले यावेळी किरकोळ कारणातून संतप्त दोघांनी शेख व त्यांच्या भाच्यास शिवीगाळ करीत बेदम मारहाण केली. या घटनेत संशयितांनी विट फेकून मारल्याने शेख जखमी झाले असून अधिक तपास उपनिरीक्षक गिते करीत आहेत.
