नाशिक (इंडिया दर्पण वृत्तसेवा) – मानूरगावात मागील भांडणाची कुरापत काढून एकास मारहाण करण्यात आल्याची घटना घडली. या घटनेत काही तरी धारदार हत्याराचा वापर करण्यात आल्याने ३१ वर्षीय व्यक्ती जखमी झाला असून त्याच्यावर उपचार सुरू आहेत. याप्रकरणी आडगाव पोलिस ठाण्यात गुह्याची नोंद करण्यात आली आहे.
पोलिसांनी दिलेल्या माहितीनुसार संजू चाटोळे (रा.देवळालीगाव) असे धारदार शस्त्राने हल्ला करणा-या संशयिताचे नाव आहे. याप्रकरणी सागर रमेश कदम (३१ रा.कोळीवाडा,नांदूरगाव ता.जि.नाशिक) यांनी तक्रार दाखल केली आहे. कदम गेल्या गुरूवारी (दि.२४) मानुर गावातील स्मशानभूमी भागात गेला होता. मौनगिरी बाबा आश्रमाजवळ संशयिताने त्यास गाठले असता ही घटना घडली. मागील भांडणाची कुरापत काढून संशयिताने शिवीगाळ व दमदाटी करीत कदम यांना मारहाण केली. यावेळी संतप्त चाटोळे याने खिशातील धारदार शस्त्र काढून त्याच्यावर हल्ला केला. या घटनेत कदम जखमी झाला असून अधिक तपास हवालदार डापसे करीत आहेत.
चॉपरचा धाक दाखवत दहशत निर्माण करणा-या दोघांना पोलिसांनी केले गजाआड
औद्योगिक वसाहतीतील कार्बन नाका भागात धारदार चॉपरचा धाक दाखवित परिसरात दहशत निर्माण करणा-या दोघांना पोलिसांनी गजाआड केले आहे. या संशयितांच्या ताब्यातून चॉपर जप्त करण्यात आला आहे. याप्रकरणी सातपूर पोलिस ठाण्यात शस्त्रबंदी कायद्यान्वये गुन्हा दाखल करण्यात आला आहे. पोलिसांनी दिलेल्या माहितीनुसार आकाश सुरेश जगताप (२४ रा.श्रीनिवास अपा. सह्याद्री चौक,श्रमिकनगर) व समाधान तुळशीराम पालखी (३० रा.कडेपठार चौक,श्रमिकनगर) अशी संशयिताची नावे आहेत. औद्योगीक वसाहतीतील कार्बन कंपनी परिसरात दोन युवक दहशत निर्माण करीत असल्याची माहिती पोलिसांना मिळाली होती. त्यानुसार बुधवारी (दि.३०) पोलिसांनी धाव घेत दोघांना ताब्यात घेतले असता त्यांच्या अंगझडतीत धारदार चॉपर मिळून आला. संशयितांच्या ताब्यातील चॉपर हस्तगत करण्यात आला असून अधिक तपास हवालदार आहेर करीत आहेत.
Nashik City Crime Police Theft dacoity murder suicide fight beaten
Nashik City Crime Police Action
