नाशिक (इंडिया दर्पण वृत्तसेवा) – शहरात वेगवेगळया भागातून दोन मोटारसायकली चोरट्यांनी पळवून नेल्या. याप्रकरणी पंचवटी आणि मुंबईनाका पोलिस ठाण्यात गुह्यांची नोंद करण्यात आली आहे.
पहिली घटना नाशिक पुणे मार्गावरील खरबंदा पार्क भागात घडली. शिंदे भयाळे ता. चांदवड येथील विजय वामन आवारे हे बुधवारी (दि. २७) खरबंदा पार्क भागात आले होते. सिध्दार्थ अपार्टमेंटच्या पार्किंगमध्ये लावलेली त्यांची दुचाकी एमएच १५ जीटी ६७९२ चोरट्यांनी चोरून नेली. याबाबत मुंबईनाका पोलिसात गुन्हा दाखल करण्यात आला असून अधिक तपास जमादार शेख करीत आहेत.
दुस-या घटनेत हिरावाडीरोड भागात राहणारे चेतन नारायण धामणे (रा.कृष्णा पॅलेस हिरावाडीरोड) हे गुरूवारी (दि.२८) सायंकाळी गोदाघाट भागात गेले होते. जरी माता मंदिर परिसरात पार्क केलेली त्यांची एमएच १५ डीडब्ल्यू ५००७ अ‍ॅक्टीव्हा चोरट्यांनी चोरून नेली. याबाबत पंचवटी पोलिस ठाण्यात नोंद करण्यात आली असून अधिक तपास जमादार काकड करीत आहेत.
३५ वर्षीय व्यक्तीची गळफास घेऊन आत्महत्या
नाशिक (इंडिया दर्पण वृत्तसेवा) – ३५ वर्षीय व्यक्तीने गळफास घेऊन आत्महत्या केल्याची घटना विहीतगाव भागात घडली. अंकुश भास्कर तायडे (मुळ रा.रोकडोबावाडी देवळाली गाव हल्ली अमोल चव्हाण यांच्या घरात विहीतगाव) असे मृत व्यक्तीचे नाव आहे. तायडे यांच्या आत्महत्येचे कारण समजू शकले नाही. याबाबत उपनगर पोलिस ठाण्यात मृत्यूची नोंद करण्यात आली आहे.
तायडे यांनी शुक्रवारी (दि.२९) अज्ञात कारणातून आपल्या राहत्या घरात लोखंडी अँगलला दोरी बांधून गळफास लावून घेतला होता. त्यात त्यांचा मृत्यू झाला. याबाबत सचिन तायडे यांनी दिलेल्या खबरीवरून पोलिस दप्तरी मृत्यूची नोंद करायात आली असून अधिक तपास जमादार कोकाटे करीत आहेत.
Nashik City Crime Police Theft dacoity murder suicide fight beaten
