नाशिक (इंडिया दर्पण वृत्तसेवा) – गोदाघाटावरील रामकुंड परिसरात मुंबईच्या पर्यटकास अज्ञातांनी बेदम मारहाण केल्याची घटना घडली. येथे का बसला या कारणातून ही मारहाण करण्यात आली. त्यात पर्यटक जखमी झाला आहे. या मारहाणीनंतर राजू मकरेदी शहा (५६ रा.भेंडी बाजार, मुंबई) यांनी तक्रार दाखल केली असून पंचवटी पोलिस ठाण्यात गुन्हा दाखल करण्यात आला आहे.
शहा मंगळवारी (दि.२२) पर्यटनानिमित्त शहरात आले होते. पंचवटीसह विविध ठिकाणी फेरफटका मारून ते सायंकाळच्या सुमारास ते गोदाघाटावर गेले असता ही घटना घडली. रामकुंड परिसरातील अहिल्याबाई होळकर पुलाखाली ते काही काळ बसले असता अज्ञातांनी त्यांना गाठले. येथे का बसले असा प्रश्न करीत संबधीतांनी कुठलेही कारण नसतांना त्यांना शिवीगाळ करीत बेदम मारहाण केली. या घटनेत शहा जखमी झाले असून अधिक तपास पोलिस नाईक काळे करीत आहेत.
Nashik City Crime Police Theft dacoity murder suicide fight beaten
Mumbai Tourist Beaten Ramkund Area
