नाशिक (इंडिया दर्पण वृत्तसेवा) – शहरात वेगवेगळया भागातून तीन मोटारसायकली चोरीला गेल्या आहे. याप्रकरणी अंबड व देवळाली कॅम्प पोलिस ठाण्यात चोरीचे गुन्हे दाखल करण्यात आले आहे. पहिली घटना कारगील चौकात घडली. कमलसिंग मानसिंग मरकाम (रा.गजानन कॉम्प्लेक्त,कारगीलचौक) यांची सीजे १७ केएल ५१९५ दुचाकी गेल्या शनिवारी (दि.१५) रात्री त्यांच्या सोसायटीच्या पार्किंगमध्ये लावलेली असतांना ती चोरट्यांनी पळवून नेली. दोन्ही गुह्यांप्रकरणी अंबड पोलिस ठाण्यात वेगवेगळे गुन्हे दाखल करण्यात आले असून अधिक तपास हवालदार झोले करीत आहेत.
दुसरी घटना देवळाली कॅम्प येथे घडली. नाजीम इस्माईल खान (रा.मिठाई स्ट्रीट,मस्जीदरोड) यांनी याप्रकरणी तक्रार दाखल केली आहे. खान यांची अ‍ॅक्टीव्हा एमएच १५ ईसी ७६०३ गेल्या शनिवारी (दि.१५) रात्री त्यांच्या सोसायटीच्या पार्किंगमध्ये लावलेली असतांना चोरट्यांनी ती चोरून नेली. याप्रकरणी देवळाली कॅम्प पोलिस ठाण्यात गुह्याची नोंद करण्यात आली असून अधिक तपास हवालदार मिरजे करीत आहेत.
तिस-या घटनेत अंबड औद्योगीक वसाहतीतील नारायण माधवराव म्हस्के (रा.घरकुल योजना,चुंचाळे शिवार) यांची शाईन मोटारसायकल एमएच १५ जीजे ५२४३ गेल्या गुरूवारी (दि.१३) रात्री त्यांच्या घरासमोर लावलेली असतांना ती चोरट्यांनी चोरून नेली.
