नाशिक (इंडिया दर्पण वृत्तसेवा) – गंगापूर पोलिसांनी मध्यप्रदेशात चोरीची इनोव्हा कार विक्री करणा-या तीन जणांना गजाआड केले आहे. या चोरांच्या ताब्यातून चोरलेली ४ लाख ५० हजार रूपये किमतीची इनोव्हा क्रिस्टा कार जप्त केली आहे. राजेश राधेश्याम पंडीत (३७ रा.धायतुरागाव,आग्रा उत्तरप्रदेश), मनोज महेंद्र परिहार – ठाकूर (४२ रा.नगला अहिरगाव जि.हाथरस उत्तरप्रदेश) व इस्माईल शब्बीर अहमद खान (३७ रा.शास्त्रीपार्क,इस्ट दिल्ली) अशी अटक करण्यात आलेल्या संशयितांची नावे आहेत.
गेल्या मंगळवारी (दि.१) रात्री गंगापूररोडवरील आकाशवाणी टॉवर भागातून मयुर ज्वेलर्सचे संचालक मयुर राजेंद्र शहाणे यांची इनोव्हा क्रिस्टा कार एमएच १५ एफयू ६४४४ चोरट्यांनी पळवून नेली होती. याबाबत गंगापूर पोलिस ठाण्यात गुन्हा दाखल करण्यात आला होता. पोलिस चोरट्यांचा माग काढत असतांना तांत्रीक विश्लेषणाच्या आधारे कार राजस्थान मध्ये असल्याचे समोर आले. त्यामुळे गंगापूर पोलिसांच्या पथकाने राजस्थान गाठले. त्यानंतर मध्यप्रदेशातील संशयितांचे लोकेशन मिळाल्याने पथकाने मध्यप्रदेश गाठले येथे या तीन चोरांना पोलिसांनी कार विकतांना पकडले.
ही चोरीची कार मध्यप्रदेशातील निमच या शहरा वाहन बाजारात विक्रीसाठी ठेवण्यात आली होती. पोलिसांनी वेशबदलून कार खरेदीचा बहाणा करुन या तिघांना ताब्यात घेतले. ही कारवाई वरिष्ठ निरीक्षक श्रीकांत निंबाळकर यांच्या मार्गदर्शनाखाली सहाय्यक निरीक्षक नितीन पवार, उपनिरीक्षक मोतीलाल पाटील, संजय भिसे, पोलिस नाईक गिरीष महाले, मिलिंदसिंग परदेशी, रविंद्र मोहिते अंमलदार मच्छींद्र वाघचौरे, गोरख साळुंके, सोनू खाडे, सुजित जाधव, तुषार मंडले आदींच्या पथकाने केली.
Nashik City Crime Police Theft dacoity murder suicide fight beaten
Innova Car Theft Madhya Pradesh Sale 3 Arrested
