नाशिक (इंडिया दर्पण वृत्तसेवा) -भरदिवसा झालेल्या घरफोडीत चोरट्यांनी सुमारे अडीच लाखाचा ऐवज लंपास केला. याचोरीत चोरट्यांनी रोकडसह सोन्याचांदीचे दागिणे चोरुन नेले. जेलरोड परिसरातील गणेशनगर भागात ही घरफोडी झाली. याप्रकरणी नाशिकरोड पोलिस ठाण्यात घरफोडीचा गुन्हा दाखल करण्यात आला आहे.
माधुरी अशोक मरकड (रा.जनार्दन पॅलेस अपा.गणेशनगर) यांनी याप्रकरणी तक्रार दाखल केली आहे. मरकड कुटुंबिय सोमवारी (दि.२८) दुपारच्या सुमारास अल्पशा कामानिमित्त घराबाहेर पडले असता ही घटना घडली. अज्ञात चोरट्यांनी बंद घराचा कडीकोयंडा तोडून बेडरूममधील कपाटात ठेवलेली रोकड व सोन्याचांदीचे दागिणे असा सुमारे २ लाख ६४ हजार रूपये किमतीचा ऐवज चोरून नेला. अधिक तपास सहाय्यक निरीक्षक फड करीत आहेत.
४० वर्षीय व्यक्तीची राहत्या घरात गळफास घेऊन आत्महत्या
४० वर्षीय व्यक्तीने आपल्या राहत्या घरात गळफास लावून घेत आत्महत्या केल्याची घटना औद्योगिक वसाहतीतील श्रीकृष्णनगर भागात घडली. सुनिल सुभाष इप्पर (रा. सोहम पार्क, श्रीकृष्णनगर. अंबड) असे मृत व्यक्तीचे नाव आहे. इप्पर यांच्या आत्महत्येचे कारण समजू शकले नाही. याप्रकरणी अंबड पोलिस ठाण्यात मृत्यूची नोंद करण्यात आली आहे. इप्पर यांनी मंगळवारी (दि.२९) दुपारच्या सुमारास अज्ञात कारणातून आपल्या राहत्या घरात पंख्यास साडी बांधून गळफास लावून घेतला होता. ही बाब निदर्शनास येताच पत्नी विजया इप्पर यांनी त्यांना तातडीने जिल्हा रूग्णालयात दाखल केले असता वैद्यकीय सुत्रांनी उपचारापूर्वी मृत घोषीत केले. अधिक तपास पोलिस नाईक टिळेकर करीत आहेत.
Nashik City Crime Police Theft dacoity murder suicide fight beaten
Dacoity Suicide Jail Road Ambad
