नाशिक (इंडिया दर्पण वृत्तसेवा) – घरफोडीत चोरट्यांनी सुमारे दोन लाखाचा ऐवज लंपास केला. व्दारका परिसरातील स्वराज ट्रॅक्टर हाऊस भागात ही घरफोडी झाली. या घरफोडीत रोकडसह सोन्याचांदीचे दागिने चोरट्यांनी चोरुन नेले. याप्रकरणी शरद धोंडीराम दिघे (रा.नवजीवन पार्क,प्रगती सोसा. स्वराज ट्रॅक्टर हाऊस मागे) यांनी तक्रार दाखल केली आहे.
याप्रकरणी भद्रकाली पोलिस ठाण्यात घरफोडीचा गुन्हा दाखल करण्यात आला आहे. दिघे कुटुंबिय गेल्या शुक्रवारी (दि.१८) बाहेरगावी गेले असता ही घटना घडली. अज्ञात चोरट्यांनी त्यांच्या बंद रो हाऊसच्या दरवाजाचा कडीकोयंडा तोडून ही चोरी केली. घरात शिरलेल्या भामट्यांनी कपाटात ठेवलेली रोकड व सोन्याचांदीचे दागिणे असा सुमारे २ लाख ८९० रूपये किमतीचा ऐवज चोरून नेला. अधिक तपास उपनिरीक्षक गवळी करीत आहेत.
घरात शिरून अल्पवयीन मुलीचा विनयभंग
लाखलगाव येथे घरात शिरून एकाने अल्पवयीन मुलीचा विनयभंग केल्याची घटना घडली. याप्रकरणी नाशिकरोड पोलिस ठाण्यात विनयभंगासह पोस्को कायद्यान्वये गुन्हा दाखल करण्यात आला असून संशयितास पोलिसांनी अटक केली आहे. सचिन गणपत अनवट (३० रा.कालवी पो.लाखलगाव,ना.रोड) असे अटक करण्यात आलेल्या संशयिताचे नाव आहे.
पीडितेने दिलेल्या तक्रारीनुसार रविवारी (दि.२०) दुपारच्या सुमारास ही घटना घडली. पीडिता आपल्या घरात एकटी असतांना संशयिताने घरात शिरून मुलीचा विनयभंग केला. ही बाब मुलीने आपल्या पालकांना सांगितल्याने हा प्रकार पोलिसात पोहचला असून संशयितास अटक करण्यात आली आहे. अधिक तपास उपनिरीक्षक छाया वाघ करीत आहेत.
Nashik City Crime Police Theft dacoity murder suicide fight beaten
Minor Girl Molestation Lakhalgaon Dwarka
