नाशिक (इंडिया दर्पण वृत्तसेवा) – पाथर्डी शिवारातील ज्ञानेश्वरनगर भागात घरफोडीची घटना घडली आहे. चोरट्यांनी सुमारे ७३ हजाराच्या ऐवज चोरुन नेले. या घरफोडीत चोरट्यांनी सोन्या-चांदीच्या दागिण्यांसह रोख रक्कम लंपास केली.
याप्रकरणी विकास नारायण शेलार (रा. अन्वी, गजानन रो हाऊस, दत्तमंदिराजवळ, ज्ञानेश्वर नगर) यांनी तक्रार दाखल केली असून इंदिरानगर पोलिस ठाण्यात घरफोडीचा गुन्हा दाखल करण्यात आला आहे. शेलार कुटुंबिय बुधवारी (दि.७) बाहेरगावी गेले असता ही घटना घडली.
अज्ञात चोरट्यांनी त्यांच्या बंद घराचे लॅचलॉक तोडून बेडरूममधील कपाटात ठेवलेली रोकड व सोन्याचांदीचे दागिणे असा सुमारे ७३ हजार ७५० रूपये किमतीचा ऐवज चोरून नेला. अधिक तपास हवालदार गारले करीत आहेत.
