नाशिक (इंडिया दर्पण वृत्तसेवा)- अंबडलिंकरोडवरील जाधव संकुल भागात शेजाºयानेच महिलेचा विनयभंग केल्याचा प्रकार समोर आला आहे. याप्रकरणी अंबड पोलिस ठाण्यात गुन्हा दाखल करण्यात आला असून पोलिस संशयिताचा शोध घेत आहेत. पृथ्वीराज जाधव (रा.म्हाडा कॉर्नर,जाधव संकुल) असे संशयिताचे नाव आहे. परिसरातील महिला मंगळवारी (दि.२५) रात्री आपल्या घरात असतांना संशयिताने तिच्या घरात शिरून विनयभंग केला. अधिक तपास उपनिरीक्षक जाधव करीत आहेत.
चेतनानगर भागात बॅटरी चोरून नेली
चेतनानगर भागात लिफ्टच्या बॅटरीचे पाणी बदलत असल्याचा बहाणा करून भामट्याने बॅटरी चोरून नेल्याची घटना घडली. याप्रकरणी इदिरानगर पोलीस ठाण्यात गुन्हा दाखल करण्यात आला आहे. श्रीनिलेश लिलाधर चौधरी (रा.निलकमल हाईटस चेतनानगर) यांनी तक्रार दाखल केली आहे. चौधरी यांच्या सोसायटीत बुधवारी (दि.२६) सायंकाळच्या सुमारास अज्ञात इसम आला होता. लिफ्टच्या बॅटºयांचे पाणी बदलण्यासाठी आल्याचे सांगून भामट्याने सुमारे दहा हजार रूपये किमतीची पावर बॅट कंपनीची बॅटरी चोरून नेली. अधिक तपास पोलिस नाईक परदेशी करीत आहेत.
