नाशिक (इंडिया दर्पण वृत्तसेवा) – २२ वर्षीय तरुणीने आपल्या राहत्या घरात गळफास लावून घेत आत्महत्या केल्याची घटना सिडकोतील विजनगर भागात घडली. तनिष्का हेमराज निकम (रा. साईबाबानगर, विजयनगर) असे मृत युवतीचे नाव आहे. तनिष्काच्या आत्महत्येचे कारण समजू शकले नाही. याप्रकरणी अंबड पोलिस ठाण्यात मृत्यूची नोंद करण्यात आली आहे.
तनिष्का निकम हिने बुधवारी (दि.२८) घरात कुणी नसतांना अज्ञात कारणातून आपल्या घरातील हॉलमध्ये छताच्या हुकाला ओढणी बांधून गळफास लावून घेतला होता. त्यात तिचा मृत्यू झाला. ही बाब सायंकाळी उघडकीस आली. शेजारी मधुकर गुंड यांनी दिलेल्या खबरीवरून पोलिस दप्तरी मृत्यूची नोंद करण्यात आली असून अधिक तपास हवालदार राऊत करीत आहेत.
